Құрметті болашақ бірінші сынып оқушыларының ата - аналары! Сіздерді және сіздердің балаларыңызды мектеп өмірінің басталуы сияқты айтулы оқиғамен құттықтаймыз! Мектеп кезеңі - ең жарқын және қызықты кезеңдердің бірі. Мектеп балалар үшін шығармашылық және жемісті болсын!
Қарабалық ауданының мектептері аудан аумағында тұратын, кезекті оқу жылының 01 қыркүйегіне дейін және күнтізбелік жылдың соңына дейін, яғни даярлық деңгейіне қарамастан, алты жасқа толған барлық балаларды бірінші сыныпқа қабылдауды қамтамасыз етеді.
Бірінші сыныпқа түсетін балалардың ата - аналарынан немесе басқа заңды өкілдерінен өтініштер ағымдағы жылдың 01 сәуірінен 31 тамызына дейін қабылданады.
Болашақ бірінші сынып оқушыларының ата-аналарына не білу керек?
Құжаттарды екі жолмен беруге болады. Біріншісі - egov.kz. электрондық үкімет порталы арқылы беруге болады, бұл ретте ата - аналар, Сіздерге немесе заңды өкілге «жеке кабинетке» ЭЦҚ-мен куәландырылған электрондық құжат нысанында мемлекеттік қызмет көрсету үшін сұрау салудың қабылданғаны туралы хабарлама - есеп жіберіледі.
Екінші әдіс – «SAKURA: электрондық мектеп» электронды порталы арқылы, онда сіздер бос орындардың санын көре аласыздар. Барлық құжаттарды алдын-ала дайындап, сканерлеу керек, өйткені өтінімді толтыруға 20 минут уақыт беріледі.
Жөндеу жұмыстарын жүргізуге байланысты техникалық үзілістерді қоспағанда, портал тәулік бойы жұмыс істейді. Егер жұмыс уақыты аяқталғаннан кейін, демалыс және мереке күндері жүгінген болсаңыз, онда Кодекске сәйкес өтініштерді қабылдау және мемлекеттік қызмет көрсету нәтижелерін беру келесі жұмыс күні жүзеге асырылады.
Балаларды бірінші сыныпқа қабылдау үшін қандай құжаттар қажет?
Баланың туу туралы куәлігінің сканерленген көшірмесі.
Баланың денсаулық жағдайы туралы анықтаманың сканерленген көшірмесі (№ 065/у нысаны).
Үшіншіден, бала денсаулығы паспортының сканер - көшірмесі (052 - 2/у).
Төртінші құжат - баланың цифрлық 2 фотосуреті 3х4.
Бесінші құжат (егер қажет болса) - психологиялық – медициналық - педагогикалық комиссияның қорытындысы (ерекше білім беру қажеттіліктері бар бала үшін).
Сонымен қатар, ақпараттық жүйелермен жұмыс істеу кезінде қиындықтар туындаса, мектепке хабарласыңыздар, сіздерге міндетті түрде өтініш беруге көмектеседі.
Құрметті Қарабалық кентінің бірінші сынып оқушыларының ата - аналары! Ең алдымен Сіздерге өтінішім: сапалы білім алуға барынша жағдай жасалған, мемлекеттік тілде оқытатын жаңа мектепте мемлекеттік тілде білім алу мүмкіндігін қарастырыңыздар. Бірінші сыныпқа қабылдау 31 тамызға дейін жүргізілетініне қарамастан, аудан орталығының мектептеріндегі сынып жиынтықтарының саны шектеулі екенін және бос орындар қабылдау аяқталған күннен әлдеқайда ерте толықтырылатынына ата - аналардың назарын аударғым келеді. Сондықтан сіздер неғұрлым тезірек өтініш берсеңіздер, сіздерге және сіздердің балаларыңызға ыңғайлы мектепке түсу мүмкіндігі соғұрлым жоғары болады.
Алынған жолдамамен және құжаттардың түпнұсқасымен сіздер, құрметті ата-аналар, сіздермен білім беру қызметтері туралы шарт жасасатын мектепке баруларыңыз керек.
Мемлекеттік қызмет көрсету үшін құжаттар бірден қабылдануы үшін олардың білім беру ұйымдарына оқуға қабылдаудың үлгілік қағидаларында белгіленген талаптарға сәйкестігі қажет.
Бұл, құрметті ата - аналар, 1-сыныпқа қабылдау ережелері мен шарттары. Біз сіздерді күтеміз!
Қарабалық ауданы білім бөлімінің басшысы Сапанова Дильнара Сембейқызы
